• अर्थ सरोकार सम्बाददाता 

काठमाडौं । नेशनल माइक्रोफाइनान्स वित्तीय संस्थाले वैशाख १३ गतेबाट संस्थापक समूहको सेयर बिक्री खुला गर्ने भएको छ । कम्पनीले प्रतिकित्ता न्यूनतम मूल्य १२०० रुपैयाँमा ५० हजार कित्ता संस्थापक समूहको सेयर बिक्री खुला गर्ने भएको हो । 

लगानीकर्ताले न्यूनतम १ हजार कित्तादेखि अधिकतम सबै कित्ताका लागि आवेदन दिन सक्नेछन् । सो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् भने जेठ १६ गतेभित्र बिक्री प्रबन्धक सिद्धार्थ नक्साल, काठमाडौँमा पुग्नेगरी आवेदन दिनुपर्नेछ ।