• अर्थ सरोकार सम्बाददाता

काठमाडौं । साताको कारोबारको अन्तिम दिन बिहीबार नेप्से सूचक २५.८२ अंकले बढेर २६११.१० विन्दुमा अडिएको छ । २१७ कम्पनीको ९८ लाख १८ हजार ४६ कित्ता सेयर खरिदबिक्री हुँदा ४ अर्ब ३५ करोड ७० लाख १९ हजार २ सय ४९ रुपैयाँ सेयर कारोबार भएको छ । यस दिन सेन्सेटिभ इण्डेक्स ०.८४ प्रतिशत बढेर ४६९.०२ विन्दुमा पुगेको छ ।

कारोबारमा आएका १३ उपसमूहका सूचकहरुमध्ये ११ उपसमूहका सूचकहरु बढेर बन्द भएका छन् । जसमध्ये व्यापार उपसमूहको परिसूचक सर्वाधिक ३.४८ प्रतिशत बढेको छ भने जलविद्युत उपसमूहको परिसूचक ३.२१ प्रतिशत बढेको छ । ३ कम्पनीको भाउ बढेर सर्किट लागेको छ । खरिदबिक्री रकममा ३० करोड ९६ लाख रुपैयाँभन्दा बढीसहित एनसीसी बैंक अग्रस्थानमा रहेको छ । दोस्रोमा शिवम् र तेस्रोमा हिमालय पावर पाटर्नर परेका छन् ।