- अर्थ सरोकार सम्बाददाता
काठमाडौँ । साताको कारोबारको दोस्रो दिन सोमबार नेप्से झिनो अंकले बढेको छ । आइतबारको तुलनामा नेप्से परिसूचक १.१३ अंकले बढेर २६५८.७४ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २१२ कम्पनीको १ करोड ५८ लाख ५३ हजार ९९३ कित्ता सेयर खरिद बिक्री हुँदा ७ अर्ब २९ करोडमाथिको कारोबार भएको छ । आज पनि सबैभन्दा बढी कारोबार अपर तामाकोशीको भएको छ ।
यस कम्पनीको ३४ करोड ७५ लाखमाथिको कारोबार भएको छ । त्यसपछि कारोबार क्रमश: आईएमई जनरल इन्स्योरेन्स र निफ्राको भएको छ । आज ६ समूह बाहेकका अन्य समूह बढेका छन् । यस्तै आज सबैभन्दा धेरै एनआईसी एसिया लघुवित्तका लगानीकर्ताले कमाएका छन् भने गोर्खाज फाइनान्सका लगानीकर्ताले सबैभन्दा धेरै गुमाएका छन् ।
