- अर्थ सरोकार सम्बाददाता
काठमाडौं । एनआइसी एसिया बैंकले आज सोमबारदेखि आफ्नो स्वामित्वमा रहेको संस्थापक सेयर बिक्री खुला गरेको छ । बैंकले नेसनल लाइफ इन्स्योरेन्सको ५५ हजार ८६६ कित्ता र नागरिक लगानी कोषको ५० हजार कित्ता गरी कुल १ लाख ५ हजार ८६६ कित्ता संस्थापक सेयर आजबाट लिलामीमा बिक्री खुला गरेको हो । यसमा चैत ३१ गतेसम्म बोलपत्र पेश गर्न सकिनेछ ।
दुवै कम्पनीको लिलामी आवेदन एनआइसी एसिया क्यापिटल बबरमहल, एनआइसी एसिया बैंकको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट पेश गर्न सकिनेछ । लगानीकर्ताले नागरिक लगानी कोषको सेयरमा न्यूनतम १५ सय २९ रुपैयाँ र नेसनल लाइफ इन्स्योरेन्समा न्यूनतम ४६६ रुपैयाँ भाउ राखेर आवेदन दिन सक्नेछन् ।
