• अर्थ सरोकार सम्बाददाता 

काठमाडौं । आज आइतबारबाट एनआइसी एसिया बैंकले ९७ हजार ७०६ कित्ता संस्थापक सेयर बिक्री खुला गरेको छ । बैंकले आफ्नो स्वामित्वमा रहेको नेसनल लाइफ इन्स्योरेन्सको ४७ हजार ७०६ कित्ता र नागरिक लगानी कोषको ५० हजार कित्ता संस्थापक सेयर बिक्री खुला गरेको हो । 

लगानीकर्ताले यो सेयरमा वैशाख १० गतेसम्म बोलपत्र पेश गर्न सक्नेछन् भने नागरिक लगानी कोषको सेयरमा न्यूनतम १४ सय ५५ रुपैयाँ र नेसनल लाइफ इन्स्योरेन्समा न्यूनतम ४६३ रुपैयाँ भाउ राखेर आवेदन दिन सक्नेछन् । 

एनआइसी एसिया क्यापिटल बबरमहल, एनआइसी एसिया बैंकको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट सो सेयरमा बोलपत्र पेश गर्न सकिनेछ ।