- अर्थ सरोकार सम्बाददाता
काठमाडौँ । प्राइम कमर्सियल बैंक लिमिटेडको डिबेन्चर रजिष्ट्रारमा आरविवि मर्चेन्ट बैंकिङ्ग लिमिटेडलाई नियुक्त गरेको छ । बैंकको २६ गतेको निर्णय अनुसार डिबेन्चर कारोबार सम्बन्धि अभिलेख राख्ने,दाखिल खारेज,नामसारी,रोक्का राख्नेलगायत डिबेन्चरवालाहरुको लगत अद्यावधिक गरी राख्ने सम्पूर्ण कार्य गर्नको आरविवि मर्चेन्ट बैंकिङ्गलाई डिबेन्चर रजिष्ट्रार नियुक्त गरिएको हो ।
बैंकको डिबेन्चर रजिष्ट्रार अन्तर्गतको सम्पुर्ण कार्यहरु अब आरविवि मर्चेन्ट बैंकिङ्ग लिमिटेडमार्फत हुनेछन् । ९गते उक्त डिबेन्चर रजिष्ट्रार सम्बन्धी सम्झौता–पत्रमा हस्ताक्षर भएको छ । उक्त सम्झौता पत्रमा बैंकको तर्फबाट प्रमुख कार्यकारी अधिकृत नारायण दास मानन्धर र आरविवि मर्चेन्ट बैंकिङ्गको तर्फबाट प्रमुख कार्यकारी अधिकृत बद्री प्रसाद प्याकुरेलले हस्ताक्षर गरेका थिए ।
आरविवि मर्चेन्ट बैंकिङ्ग लिमिटेड राष्ट्रिय वाणिज्य बैंक लिमिटेडको पूर्ण स्वामित्व रहेकोर नेपाल धितोपत्र बोर्डबाट स्वीकृत प्राप्त मर्चेन्ट बैंकिङ्ग लिमिटेड हो ।
