• अर्थ सरोकार सम्बाददाता 

काठमाडौं । सिद्धार्थ बैंक लिमिटेडले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । बैंकले खुद नाफा ५४.१२% ले बढाएर २ अर्ब ६ करोड रुपैयाँ खुद नाफा कमाएको वित्तीय विवरण सार्वजनिक गरेको हो । गत वर्षको यसै अवधिमा बैंकले १ अर्ब ३३ करोड रुपैयाँ नाफा कमाएको थियो ।

सार्वजनिक वित्तीय विवरण अनुसार बैंकको वितरणयोग्य नाफा ८३ करोड १४ लाख रुपैयाँ रहेको छ । यस्तै खुद ब्याज आम्दानी ६.०२% ले घटेको छ भने सञ्चालन नाफा ५०.७५% ले बढेको छ । 

निक्षेप संकलन ३२.१९% र कर्जा लगानी २३.०४% ले बढाउन सफल वित्तीय विवरणमा उल्लेख भएको छ ।बैंकको प्रतिसेयर आम्दानी २५ रुपैयाँ २८ पैसा र प्रतिसेयर नेटवर्थ १८१ रुपैयाँ ८९ पैसा छ ।