- अर्थ सरोकार सम्बाददाता
काठमाडौँ । साताको कारोबारको दोस्रो दिन सोमबार पनि नेप्से परिसूचक दोहोरो अंकले घटेको छ । आइतबारको तुलनामा नेप्से ३७.५८ अंकले घटेर २६६१.९३ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २१३ कम्पनीको १ करोड ४१ लाख ९० हजार ६६१ कित्ता सेयर खरिद बिक्री हुँदा ६ अर्ब ७५ करोडमाथिको कारोबार भएको छ ।
आज सबैभन्दा बढी कारोबार नागरिक लगानी कोषको भएको छ । यस कम्पनीको २८ करोड ३४ लाखमाथिको कारोबार भएको छ । त्यसपछि कारोबार क्रमश: हाइड्रोइलेक्टिसिटि इन्भेष्टमेन्ट एण्ड डेभलपमेन्ट र निफ्राको भएको छ । आज २ समूह बाहेकका अन्य सबै समूह घटेका छन् । यस्तै आज सबैभन्दा धेरै ज्योति लाईफ इन्स्योरेन्सका लगानीकर्ताले कमाएका छन् भने चन्द्रागिरी हिल्सका लगानीकर्ताले सबैभन्दा धेरै गुमाएका छन्।
