काठमाडौं । काठमाडौं उपत्यकामा वैशाख १६ गते राति १२ बजेदेखि निषेधाज्ञा लाग्ने भएको छ । काठमाडौं, भक्तपुर र ललितपुर जिल्लामा खाद्यपदार्थ र औषधि पसलबाहेकका पसल बन्द गर्ने र निजी र सार्वजनिक यातायात पनि बन्द गर्ने गरी निषेधाज्ञा जारी गर्ने बताइएको छ ।
यस्तै आइतबार सीसीएमसीको बैठकले पनि वैशाख १६ गतेदेखि उपत्यकामा निषेधाज्ञा गर्न सुझाव दिएको थियो । निषेधाज्ञाको अवधिमा अत्यावश्यक सेवाकाबाहेक सबै पसल र सार्वजनिक तथा निजी यातायात बन्द हुनेछन् । होटल तथा रेष्टुरेन्टले पनि टेक अवे सेवा मात्र दिन पाउनेछन् भने निषेधाज्ञामा हवाइ यातायात भने बन्द नहुने बताइएको छ ।
