• अर्थ सरोकार सम्बाददाता 

काठमाडौँ । अपि पावर कम्पनीले स्वास्थ्य सामाग्री वितरण गरेको छ । विश्वब्यापी महामारी कोभिड १९ तीव्र रुपमा फैलिरहेको अहिलेको महामारीको अवस्थामा केही सहयोग पुर्याउने उद्देश्यले कम्पनीले स्वास्थ्य सामाग्री वितरण गरेको हो ।

कम्पनीका आयोजना प्रमुख धर्मराज उपाध्यायले सम्बन्धित निकायहरूलाई स्वास्थ्य सामाग्रीहरू हस्तान्तरण गरेका हुन् । कम्पनीले दार्चुला जिल्लाको मार्मा गाउँपालिकालाई १० थान अक्सिजन सिलिण्डर, गोकुलेश्वर प्रहरी कार्यलयमा १० थान अक्सिजन सिलिण्डर र जिल्ला प्रहरी कार्यालय दार्चुलालाई १५ थान अक्सिजन सिलिण्डर गरी कूल ३५ थान अक्सिजन सिलिण्डर वितरण गरेको हो ।

यसका साथै, कम्पनीले मार्मा गाऊँपालिका वडा नं २ लाई स्यानिटाइजर, मास्क लगायतका स्वास्थ्य सामाग्रीहरु समेत उपलब्ध गराएको छ । अपि पावर कम्पनी लिमिटेडले दार्चुला जिल्लामा ४० मेगावटको माथिल्लो चमेलिया आयोजना निर्माण गरिहेको छ ।