• अर्थ सरोकार सम्बाददाता 

काठमाडौं । अरुण भ्याली हाइड्रोपावरले चालु आर्थिक वर्षको तेस्रो त्रैमासमा ७ करोड १३ लाख रुपैयाँ खुद नाफा कमाएको छ । कम्पनीको यो नाफा गत वर्षको तुलनामा २१.६७% धेरै हो । गत वर्ष यसले ५ करोड ८६ लाख रुपैयाँ मात्र नाफा कमाएको थियो । 

यस्तै कम्पनीको अन्य श्रोतबाट हुने आम्दानी ४ करोड ९२ लाख रुपैयाँले बढेको छ भने कम्पनीको विद्युत बिक्रीबाट प्राप्त हुने आम्दानी भने २२.२९% ले घटेर ४ करोड २५ लाख रुपैयाँमा सीमित भएको छ । 

गत वर्ष यसले विद्युत बिक्रीबाट ५ करोड ४७ लाख रुपैयाँ नाफा कमाएको थियो । अरुण भ्यालीको जगेडा कोषमा ९ करोड ७७ लाख रुपैयाँ छ भने प्रतिसेयर आम्दानी ९ रुपैयाँ ०७ पैसा र प्रतिसेयर नेटवर्थ १०९ रुपैयाँ ३२ पैसा छ ।