अर्थ सरोकार डटकमको ‘बजार बुलेटिन’ : अव साताभारिका सेयर बजारका टप १० समाचार ३ मिनेटको भिडियोमा

GARIMA BANK

  • अर्थ सरोकार सम्बाददाता
काठमाडौँ । अर्थ सरोकार डटकमले सेयर बजारसँग सम्बन्धित नेपालको पहिलो समाचार बुलेटिन ‘बजार बुलेटिन’ दर्शकमाझ ल्याएको छ । साताभारिका सेयर बजारमा के के भए भन्ने विषयलाई छोटो तर सटिक रुपमा प्रस्तुत गर्नेगरी बजार बुलेटिनको सुरुवात गरिएको हो । अर्थ सरोकार डटकममार्फत हरेक बिहीबार बेलुकी यो बुलेटिन सार्वजनिक हुने अर्थ सरोकारका कार्यक्रम निर्मातृ रेखा चन्दले जानकारी दिएकी छिन् ।
साताभरि कुन सेयरको मूल्यमा चलखेल भयो ? कुन सेयरमा लगानीकर्ताहरु फसे? कुन सेयरमा लगानीकर्ताहरुले कमाए र कुनामा गुमाए ? बजारमा के के भए ? धितोपत्र बोर्ड र नेप्सेमा के भयो ? लगायतका विषय समेटिएर उक्त बुलेटिन तयार हुने चन्दको भनाइ छ । ‘हामी सेयर बजारसँग सम्बन्धित समाचारलाई सटिक, छोटो र प्रभावकारी रुपमा प्रस्तुत गर्ने तयारीमा थियौं । त्यसैको नतिजास्वरूप बजार बुलेटिन तयार भएको छ ।’ चन्द भन्छिन्- ‘सहकर्मी सुदर्शन श्रेष्ठले प्रस्तुत गर्ने सो भिडियो बुलेटिनमा सेयर बजारका १० खास खबरहरु समेटिनेछन्  । लगानीकर्ता दर्शक स्रोताको मागअनुसार कार्यक्रमलाई थप परिस्कृत बनाउने कुरा त छँदैछ ।’
अर्थ सरोकार डटकमले पछिल्लो समय सेयर बजारका विषयलाई निकै प्राथमिकताका साथ प्रकाशन / प्रशारण गर्दै आएको छ । अर्थ सरोकार डटकमले तयार गर्ने, अर्थ सरोकार टेलिभिजन कार्यक्रम, सेयर शिक्षा, मार्केट टक, सेयरका कुरा, काकासँग सेयरका कुरा, लगायतका कार्यक्रम यसअघि नै पनि सेयर बजारका लगानीकर्ताहरु माझ निकै चर्चित छ ।
हेर्नुहोस् बजार बुलेटिनको पहिलो अंक :
Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal