- अर्थ सरोकार सम्बाददाता
काठमाडौं । युनिलिभर नेपालले चालु आर्थिक वर्षको तेस्रो त्रैमासको वित्तीय विवरण प्रकाशित गरेको छ । कम्पनीले ५२१.४९% ले खुद नाफा बढाएर ३२ करोड १६ लाख रुपैयाँ कमाएको वित्तीय विवरण प्रकाशित गरेको हो । गत वर्ष कम्पनी ७ करोड ६३ लाख रुपैयाँ नोक्सानमा रहेको थियो ।
वित्तीय विवरण अनुसार कम्पनीको समग्र उत्पादन तथा बिक्रीबाट हुने आम्दानी बढेर १ अर्ब ७३ करोड ५३ लाख रुपैयाँ पुगेको छ । यता कम्पनीको अन्य स्रोतहरुबाट हुने आम्दानी ३ करोड ४१ लाख रुपैयाँबाट घटेर ८१ लाख रुपैयाँमा खुम्चिएको छ ।
कम्पनीको प्रतिसेयर आम्दानी ५९२ रुपैयाँबाट घटेर ५६९ रुपैयाँ (वार्षिक) मा सीमित भएको छ भने प्रतिसेयर नेटवर्थ भने २१ सय ९९ सय रुपैयाँबाट बढेर २६ सय ६६ रुपैयाँ कायम भएको छ ।
