हो, लकडाउनको सदुपयोग गर्दै महानगरले किनारा तथा पार्कमा रहेका जोखिमयुक्त रुखको हाँगा काटेर जोखिममुक्त बनाउने, वातावरण व्यवस्थापन विभागसँग मिलेर सडक र किनाराको सफाइलगायत काम गरिरहेको छ । महानगरका अनुसार महानगरका ठूला ८ वटा आकाशे पुलमा राखिएका प्रचार सामग्री नगर प्रहरीले हटाएको छ । स्टिकर टाँसेर लगाइएका सामग्री उक्काउन कठिन भएकोले रङ पोतेर छोडिएको छ ।

‘व्यस्त समयमा सवारी आवागमनले असजिलो भएको काम लकडाउनका समयमा सहजगरी गर्दैछौं । यसैअनुसार विभिन्न बोर्डहरु हटाउने लगायतका काम गरिरहेका छौं ।’ नगर प्रहरी महाशाखा प्रमुख धनपति सापकोटले भने,’अनाधिकृत रुपमा राखिएका बोर्डहरु हटाउने काम सुरु भएको छ भने भत्किएका वा टुक्रिएका बार, पिलर, खम्बालगायत सामग्री हटाउँदैछौं ।’

एभरेष्ट बैंकले एजेन्सीको सहयोगमा यसरी अनाधिकृत रुपमा काठमाडौँका विभिन्न स्थानमा बोर्ड राख्दै आएको थियो ।