• अर्थ सरोकार सम्बाददाता 

काठमाडौं । हिमालयन डिस्टिलरीले चालु आर्थिक वर्षको तेस्रो त्रैमासमा ६७ करोड २७ लाख ४४ हजार रुपैयाँ खुद नाफा कमाएको छ । कम्पनीको यो नाफा गत वर्षको सोहि अवधिको तुलनामा ५३.८९% ले धेरै हो । गत वर्ष कम्पनीले ४३ करोड ७१ लाख ६३ हजार रुपैयाँ खुद नाफा कमाएको थियो । 

यता कम्पनीले उत्पादन बिक्रीबाट ३ अर्ब ८९ करोड ५१ लाख रुपैयाँ आम्दानी गरेको छ । चुक्ता पुँजी ५०% ले बढेको कम्पनीको रिजर्भ कोष पनि १८.८६% ले बढेर ७६ करोड ८२ लाख ४१ हजार रुपैयाँ पुगेको छ । यस्तै कम्पनीको वार्षिक प्रतिसेयर आम्दानी १०३ रुपैयाँ ३८ पैसा रहेको छ भने प्रतिसेयर नेटवर्थ १८८ रुपैयाँ ५४ पैसा रहेको छ ।