- अर्थ सरोकार सम्बाददाता
पर्सा । पर्साको वीरगञ्जबाट अवैध रकमसहित दुई जना पक्राउ परेका छन् । प्रहरीले हुन्डीको ५३ लाखसहित बाराको प्रसौनी गाउँपालिका घर भएका शिव आनन्द गुप्ता र पर्साको बीरगञ्ज महानगरपालिका घर भएका प्रकाश जैसवाललाई पक्राउ गरेको हो ।
जिल्ला प्रहरी कार्यालय पर्साबाट खटिएको टोलीले विरगञ्ज महागरपालिका–८ मा डेरामा बस्ने २६ वर्षीय शिव आनन्दको डेराबाट २९ लाख ८० हजार अवैध हुन्डीको रकम बरामद गरेको छ । विरगञ्ज महानगरपालिका–११ श्रीपुर बस्ने प्रकाश जैसवाललाई हुन्डी रकम बोकेर हिँडेको अवस्थामा प्रहरीले पक्राउ गरेको हो । उनको साथबाट २४ लाख बरामद गरिएको छ ।
