">
- अर्थ सरोकार सम्बाददाता
बर्दिया । श्रोत नखुलेको अवैध भारतिय रुपैंयाँसहित एक जना पक्राउ परेका छन् । १७ लाख पचास हजार रुपैयाँ अवैध रकमसहित ईलाका प्रहरी कार्यालय राजापुर बर्दियाबाट प्रहरी निरीक्षक सन्तोष घिमिरेको कमाण्डमा खटिएको प्रहरी टोलीले एक जनालाई पक्राउ गरेको हो ।
जिल्ला बर्दिया राजापुर नगरपालिका वडा नं.४ सत्तीघाटमा चेकजाँच गर्ने क्रममा कैलालीबाट राजापुर तर्फ आउँदै गरेको जिल्ला कैलाली टिकापुर न.पा.वडा नं. १ बस्ने बर्ष २९ को गोपाल चौधरीले चलाई ल्याएको सु.प.प्र ०१००८ प ८१४५ नम्बरको मोटरसाईकलबाट उक्त रकम बरामद गरिएको हो ।
उनका साथबाट मोटरसाईकल, १, ल्यापटप थान-१ मोबाईल थान-१ लगायतका सामान बरामद गरिएको पनि प्रहरी जनाएको छ ।
