काठमाडौँ । तपाईंलाई प्रियंका कार्कीको जिब्रो चिप्लिएर उनी ट्रोल को सिकार भएको त थाहा नै होला । धेरैले टिक्दैन भन्नुहुन्थ्यो भन्न खोज्दा टिक्दैन भन्दा जिब्रो चिप्लिएर अन्यथा हुँदा उनी ट्रोलको सिकार भएकी थिइन् । उनको सो भिडियो फेसबुक, टिकटक लगायतका सामाजिक संजालमा निकै भाइरल भएको थियो । यदी बजेट पनि कलाकारिताजस्तै गसिप र ग्ल्यामरको क्षेत्र थियो भने हिजो अर्थमन्त्री विष्णु पौडेलपनि भाइरल भईसक्थे । किनकि उनको पनि हिजो थुप्रै ठाउँमा जिब्रो चिप्लिएको थियो । अझ एक ठाउँमा त उनले आपूर्ति भन्नुपर्ने ठाउँमा जिब्रो चिप्लिदा अर्कै शब्द भनिदिए ।

हुन त उनको जिब्रो यसरी चिप्लिएर सार्है अश्लील शब्द सुनिने गरी कसैले थाहा नपाएको भने होइन । सामाजिक संजालमा कतिपयले अन्यथा सुनेको बारे लेखेका छन् । आपूर्ति व्यवस्था अन्तर्गत बजेटको भाग पढ्दा उनको जिब्रो अलि अर्कै अर्कै सुनिने गरी चिप्लिएको हो । हुन त यसरी उनको धेरै ठाउँमा जिब्रो चिप्लिएको छ । बजेट भाषणका क्रममा हेर्ने हो भने पचास बढी ठाउँमा उनले शब्द गलत पढेका छन् । कतिपय ठाउँमा उनले सो शब्द सच्याउन भ्याएका छन् भने कतिपय ठाउँमा छैन ।