×

Live on

रेडियो अर्थ सरोकार

Listen to live radio.

laxmi sunrise bank

३० दिन भित्रमा विश्वासको मत लिने गरी प्रधानमन्त्री ओलीले लिए राष्ट्रपतिसमक्ष पद तथा गोपनियताको सपथ (भिडियो)

  • अर्थ सरोकार मल्टिमिडिया ब्युरो 
काठमाडौँ  । नेकपा एमालेका अध्यक्ष केपी शर्मा ओलीले प्रधानमन्त्रीको पद तथा गोपनियताको सपथ लिनुभएको छ । संविधानको धारा ७६ को ३ अनुसार प्रधानमन्त्री ओलीले शुक्रबार पद तथा गोपनियताको सपथ लिनुभएको हो । शितल निवासमा शुक्रबार आयोजित विशेष कार्यक्रममा राष्ट्रपति विद्यादेवी भण्डारीले प्रधानमन्त्री ओलीलाई प्रधानमन्त्रीको पद तथा गोपनीयताको सपथ गराउनुभएको हो ।
संविधानको धारा ७६ को उपधारा २ बमोजिम संयुक्त सरकार गठनका लागि दलहरुलाई उपलब्ध गराएको समयमा कुनै पनि दलको दाबी नपरेपछि राष्ट्र««पतिले संविधानको धारा ७६ को उपधारा ३ बमोजिम संसदमा रहेका राजनीतिक दलहरु मध्येबाट सबैभन्दा ठूलो दलको नेताको रुपमा ओलीलाई प्रधानमन्त्रीमा नियुक्त गर्नुभएको हो ।
यसअघि गत २७ गते प्रधानमन्त्री ओलीले प्रतिनिधिसभामा पेस गर्नुभएको विश्वासका मत फेल भएपछि सोही दिन राष्ट्रपतिले बैशाख ३० गते राती ९ बजे भित्र संविधानको धारा ७६ को उपधारा २ बमोजिम संयुक्त सरकार गठनका लागि आव्हान गर्नुभएको थियो । सो अवधिमा दलहरुको दाबी नपरेपछि राष्ट्रपतिले प्रधानमन्त्री ओलीलाई नै प्रधानमन्त्रीमा नियुक्त गर्नुभएको हो । अब ओलीले ३० दिन भित्रमा संसदबाट विश्वासको मत लिनुपर्ने छ ।
यसैबीच प्रधानमन्त्री ओलीले पुरानै मन्त्रीमण्डलाई निरन्तरता दिनुभएको छ । आजै उपप्रधानमन्त्री, मन्त्री र राज्यमन्त्रीहरुले पद तथा गोपनियताको सपथ लिएका छन् । हेर्नुहोस् भिडियो:

प्रतिक्रिया दिनुहोस्

सिफारिस: