• अर्थ सरोकार सम्बाददाता

काठमाडौं । कुमारी इक्विटी फन्डको प्रतिइकाई खुद सम्पति मूल्य (न्याभ) बढेको छ । फन्डको न्याभ ७ पैसाले बढेर वैशाख मसान्तमा प्रतिइकाई खुद सम्पति मूल्य १० रुपैयाँ ३४ पैसा कायम भएको छ । यसअवधिमा फन्डले विभिन्न म्युचुअल फन्डसहित कुल २४ वटा सूचीकृत कम्पनीको १८ लाख ९७ हजार ५२५ कित्ता सेयर होल्ड गरेको छ ।

सबैभन्दा धेरै लगानी सिद्धार्थ बैंकमा रहेको छ । सिद्धार्थ बैंकको ६१ हजार ६९ कित्ता सेयरमा लगानी रहेको छ । यता, पछिल्लो १ महिनामा फन्डको बैंक मौज्दात भने ५ करोड ६५ लाख ८३ हजार रुपैयाँले घटेर ४२ करोड ६४ लाख ९९ हजार रुपैयाँमा आएको छ ।