काठमाडौं । लक्ष्मी इक्विटी फन्डको प्रतिइकाई खुद मूल्य (न्याभ) घटेको छ । फन्डको न्याभ १९ पैसाले घटेर १५ रुपैयाँ ३५ पैसामा सीमित भएको छ । चैतमा यसको न्याभ १५ रुपैयाँ ५४ पैसा थियो । यस्तै वैशाख मसान्तसम्म आइपुग्दा लक्ष्मी इक्विटी फन्डले सेयर बजारमा ८७ करोड १९ लाख ३९ हजार रुपैयाँ लगानी गरेको छ ।

सूचीकृत कम्पनीको सेयरमा लगानी अघिल्लो महिनाको भन्दा ११ करोड ३० लाख २२ हजार रुपैयाँले थोरै हो । चैत महिनामा यसले सेयर बजारमा ९८ करोड ४९ लाख ६२ हजार रुपैयाँ लगानी गरेको थियो । बैंक मौज्दात भने ९ करोड ८० लाख ९५ हजार रुपैयाँले बढेर ८९ करोड ७१ लाख ८० हजार रुपैयाँ पुगेको छ ।

फन्डले सबैभन्दा धेरै लगानी नेपाल इन्फास्ट्रक्चर बैंकको सेयरमा गरेको छ । बैंकको २ लाख ३८ हजार ९०९ कित्ता सेयरमा १२ करोड ६८ लाख ६० हजार रुपैयाँ लगानी गरेको छ ।