• अर्थ सरोकार सम्बाददाता 

काठमाडौं । काठमाडौं उपत्यकामा निषेधाज्ञा थप १५ दिन लम्बिएसँगै विकास निर्माणका काम पनि बन्द गर्ने निर्णय भएको छ । काठमाडौं उपत्यकाका तीनवटै जिल्लाका प्रमुख जिल्ला अधिकारीको बैठकले निषेधाज्ञा जेठ १३ गतेसम्म थप गर्नुका साथै राष्ट्रिय प्राथमिकताप्राप्त विकास आयोजनाबाहेकका सबै निर्माण कार्य पनि रोक्ने निर्णय गरेको हो । 

बैठकले पार्टी प्यालेसमा विवाह, ब्रतबन्ध र भोजजस्ता कार्यक्रम पनि रोक्ने र सो किसिमका कार्यक्रम घरमा गर्दा पनि १० जना भन्दा सहभागी हुन नपाइने निर्णय गरेको छ । संक्रमण डर झन् बढ्दै गएपछि निषेधाज्ञालाइ थप कडाई गरिने भएको छ।