• अर्थ सरोकार सम्बाददाता 

काठमाडौं । महिला सहयात्रा लघुवित्त वित्तीय संस्थाको नाफामा आकर्षक वृद्धि भएको छ । कम्पनीले चालु आर्थिक वर्षको तेस्रो त्रैमास खुद नाफा ८५४.९१% ले बढाएर ४ करोड ३९ लाख ४५ हजार रुपैयाँ कमाउन सफल भएको छ । कम्पनीले अघिल्लो वर्षको सोहि अवधिमा ४६ लाख २ हजार रुपैयाँ मात्रै खुद नाफा कमाएको थियो । 

चैत मसान्तसम्म कम्पनीको प्रतिसेयर आम्दानी वार्षिक ४४ रुपैयाँ ०२ पैसा रहेको छ भने  प्रतिसेयर नेटवर्थ १५७ रुपैयाँ ९६ पैसा छ । यस्तै खुद ब्याज आम्दानी ६३.७२% ले बढेर १० करोड १४ लाख ४७ हजार रुपैयाँ पुगेको छ । वर्षको सोहि अवधिमा कम्पनीले ६ करोड १९ लाख ६० हजार रुपैयाँ खुद ब्याज आम्दानी गरेको थियो । 

गत वर्ष ६५ लाख ५७ हजार रुपैयाँ सञ्चालन नोक्सानमा रहेको कम्पनीले यो वर्ष ६ करोड १३ लाख २८ हजार रुपैयाँ सञ्चालन नाफा कमाएको छ । जगेडा कोषमा ७ करोड ६० लाख ७९ हजार रुपैयाँ छ ।