">
- अर्थ सरोकार सम्बाददाता
काठमाडौं । कोरोना भाइरसको संक्रमण अत्याधिक बढेपछि राष्ट्र बैंकले संख्या तोकेर बैंक र वित्तीय संस्थाहरुलाई शाखा चलाउन निर्देशन दिएको थियो । निर्देशन अनुसार केन्द्रिय कार्यालयबाहेक काठमाडौंमा ३ वटा, ललितपुरमा २ वटा र भक्तपुरमा १ वटामात्रै वाणिज्य बैंकको शाखा कार्यालय सञ्चालन भइरहेका छन् ।
बैंकिङ कारोबारमार्फत् कोरोना संक्रमण बढ्ने भन्दै जिल्ला प्रशासन कार्यालयको आग्रहमा राष्ट्र बैंकले सो निर्देशन बैंकहरुलाई दिएको थियो । साथै बैंकहरुले उपपत्यकामा साताभर सञ्चालन हुने आफ्ना शाखा कार्यालयको सूची समेत वेवसाइटमा राख्न निर्देशन दिएको थियो । जसले गर्दा उपत्यका बासिन्दालाई लकडाउनको समयमा बैंक जानु पर्ने भएमा सम्बन्धित बैंकको वेवसाइट हेरेर खुल्ला हुने बैंक जानुपर्नेछ । उपत्यकाभित्र सञ्चालन हुने बैंक बिहान १० बजेदेखि २ बजेसम्म खुला हुनेछ ।
एसोसिएसनका अनुसार आईतबार बैंकको भैसेँपाटी, भाटभटेनी, कमलबिनायक, कपन, ललितपुर पुल्चोक र न्युरोड शाखा खुल्ला हुनेछन् । यस्तैगरी सोमबार भने बैंकले ग्वार्को, हात्तीगौंडा, कुमारीपाटी नयाँ बानेश्वर, सूर्यविनायक र त्रिपुरेश्वर शाखाबाट आफ्ना सेवाग्राहीहरुलाई बैंकिङ सेवा दिने भएको छ ।
यस्तै मंगलबार अनामनगर, धापासी, कान्तिपथ, कौशलटार,ललितपुर-पुल्चोक र सातदोबाटोबाट बैंकिङ सेवा पदने भएको छ भने बुधबार भैसेँपाटी, कलंकी, कमलबिनायक, ललितपुर- पुल्चोक, ठमेल र तीनधाराबाट बैंकिङ सेवा दिने भएको छ ।
यसैगरी बैंकले बिहीबार ग्वार्को, हलचोक,जोरपाटी, कुमारीपाटी ,न्युरोड र सूर्यविनायकबाट आफ्नो बैंकिङ सेवा प्रदान गर्ने भएको छ र शुक्रबार कौशलटार, कीर्तिपुर, ललितपुर-पुल्चोक, मैतिदेवी, नयाँ बानेश्वर र सातदोबाटोबाट बैंकिङ सेवा प्रदान गर्ने भएको छ ।
