- अर्थ सरोकार सम्बाददाता
काठमाडौँ । आलोपालो सेवा दिइरहेका बैंकहरुमा भिड बढ्दै गइरहेको छ । कोरोना संक्रमणको दोस्रो लहर बढेपछि बैंकिङ क्षेत्रलाई अत्यावश्यक सेवा अन्तर्गत राखी आलोपालो सेवा दिन भनिएको थियो । सोहि अनुसार निषेधाज्ञाको अवधिमा पनि बैंकहरुले सेवाग्राहीलाई सेवा दिइरहेका छन् । तर सेवाग्राहीले भने लापरवाही गरिरहेको पाइएको छ । यद्यपि बैंकहरुले सम्पूर्ण सुरक्षाका मापदण्ड अपनाएर सेवा दिइरहेका छन् ।
बैंकमा गएका सेवाग्राहीले आफ्नो सुरक्षा आफै गर्नु त कहाँ हो कहाँ उल्टै बैंकका सुरक्षा गार्डले भनेको कुरा पनि नसुनेको झैँ गरी एकै ठाउँमा झुम्मिएए बसेको देखिन्छ । उनीहरु दुरी कायम गर्नु भन्दा कहिले आफ्नो पालो आउला भनेर अटेर गरि बसिरहेका छन् । न त सेनिटाइजर प्रयोग गरेका छन् । जसले गर्दा अहिले बैंकिङ क्षेत्र कोरोनाको उच्च जोखिमा छ । सो को एउटा उदाहरण हो नेपाल एसबिआई बैंकको बौद्ध शाखामा देखिएको दृश्य । बैंकको सो शाखामा पुग्दा सेवाग्राही उदेकलाग्दो भिड देखियो ।
यसो त अधिकाशं ठाउँमा संक्रमण बढेपछि बैंकलाई पूर्ण रुपमा बन्द गरिएको छ । सो स्थानमा डिजिटल सेवा मात्रै सुचारु छन् । यद्यपि काठमाडौँ उपत्यकाको हक भने बैंक र डिजिटल सेवा दुवै संचालनमा छन् । यहि रुपमा लापरवाही हुने हो भने उपत्यकामा बैंकहरु पनि बन्द गर्ने अवस्था नआउला भन्न सकिन्न । कोरोनाकै कारणले कतिपय बैंकरको निधनसमेत भइसकेको छ । बाँकी फोटोमा हेर्नुहोस् :
