• अर्थ सरोकार सम्बाददाता

काठमाडौं । नेपाल इन्फ्रास्ट्रक्चर बैंक लिमिटेड (निफ्रा)ले कोरोना रोकथाम तथा उपचारका लागि आर्थिक सहयोग गरेको छ । बैंकले आफ्नो संस्थागत सामाजिक उत्तरदायित्व अन्तर्गत हाल मुलुकमा फैलिरहेको कोभिड-१९ को दोस्रो लहरलाई रोकथाम, नियन्त्रण र उपचारका लागि ४९ लाख रुपैयाँ आर्थिक सहयोग गरेको हो ।

निफ्राले यस कार्यमा खटिएका सातवटै प्रदेशका अस्पताल तथा आइसोलेसन केन्द्रहरुलाई प्रति अस्पताल ७ लाख रुपैयाँका दरले कुल ४९ लाख रुपैयाँ आर्थिक सहयोग गरेको हो । बैंकले सहयोग रकम प्रदेश १ मा दमक नगरपालिर्का, प्रदेश २ मा जनकपुर प्रादेशिक अस्पताल, बाग्मती प्रदेशमा पनौती नगरपालिका, गण्डकी प्रदेशमा गोरखा नगरपलिका, लुम्बिनी प्रदेशमा कपिलवस्तु नगरपालिका, कर्णाली प्रदेशमा विरेन्द्रनगर नगरपलिका र प्रदेश ७ मा महाकाली अस्पताललाई प्रदान गरेको हो ।