• अर्थ सरोकार सम्बाददाता 

काठमाडौं । एनएमबि लघुवित्त वित्तीय संस्थाले चालु आर्थिक वर्षको तेस्रो त्रैमामा १२ करोड ६५ लाख ९७ हजार रुपैयाँ खुद नाफा कमाएको छ । कम्पनीले तेस्रो त्रैमासको वित्तीय विवरण सार्वजनिक गर्दै खुद नाफा १७५.३७% ले वृद्धि गरेर १२ करोड ६५ लाख ९७ हजार रुपैयाँ कमाएको जनाएको हो । 

यस अवधिमा कम्पनीको खुद ब्याज आम्दानी पनि ९२.२२% ले बढेको छ । यस्तै सञ्चालन नाफा १ करोड ४९ लाख ७१ हजार रुपैयाँबाट बढेर २० करोड ३ लाख ५ हजार रुपैयाँ पुगेको छ । वित्तीय विवरण अनुसार कम्पनीको प्रतिसेयर आम्दानी पनि १७ रुपैयाँ ३६ पैसाले बढेको छ । हाल प्रतिसेयर आम्दानी ३१ रुपैयाँ २७ पैसा र प्रतिसेयर नेटवर्थ १५४ रुपैयाँ ३४ पैसा छ ।