• अर्थ सरोकार सम्बाददाता 

काठमाडौं । पेट्रोलियम पदार्थको खपत ६० प्रतिशतले घटेको छ । कोरोना भाइरसको दोस्रो लहरको संक्रमण फैलिएपछी काठमाडौँ उपत्यकासहित अधिकांश जिल्लामा निषेधाज्ञा जारी भएपछी पेट्रोलियम पदार्थको खपत ६० प्रतिशतले घटेको हो । 

निषेधाज्ञापछि दैनिक १ हजार किलोलिटर पेट्रोल खपत भैरहेको छ । यसअघि दैनिक २५ सय किलोलिटर पेट्रोल खपत हुँदै आएको थियो । यता सवारीसाधनमा प्रयोग हुने डिजेलको खपत पनि ४२ प्रतिशतले घटेको छ । दैनिक ७ हजार किलोलिटर खपत हुँदै आएको डिजेल अहिले दैनिक ४ हजार किलोलिटर डिजेल मात्रै खपत हुँदै भइरहेको छ । 

यस्तै अवस्था कायम रहे पेट्रोलियम पदार्थको खपत घट्ने बताइएको छ । कोरोना संक्रमण  फैलिएको भन्दै गतवर्ष पनि चैतदेखि सरकारले लकडाउन गरेपछि पेट्रलियम पदार्थको खपत घटेको थियो ।