![](https://arthasarokar.com/wp-content/uploads/2021/05/1-9.jpg)
- अर्थ सरोकार सम्बाददाता
काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ ।
समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले काठमाडौँको कोटेश्वरस्थित एनआइसी बैंकमा बैंकिङ कारोवारका लागि लाइनमा बसेका सर्वसाधारणदेखि कपिलवस्तुको शिवराज नगरपालिका–३, खरेन्द्रपुरका किसान ब्याडमा धानको बीउ छर्दै गरेकासम्मका दृश्यलाई फोटोमा समेटेका छौं ।
हेरौं फोटो समाचारः
काठमाडौँको कोटेश्वरस्थित एनआइसी बैंकमा बैंकिङ कारोवारका लागि लाइनमा बसेका सर्वसाधारण ।
![](https://arthasarokar.com/wp-content/uploads/2021/05/5-2.jpg)
कपिलवस्तुको शिवराज नगरपालिका–३, खरेन्द्रपुरका किसान ब्याडमा धानको बीउ छर्दै ।
![](https://arthasarokar.com/wp-content/uploads/2021/05/4-2.jpg)
तनहुँको व्यास नगरपालिका–२, सफासडक नजिकै बिजुली पोलमा शनिबार साँझ लागेको आगो नगरपालिकाको दमकलको सहायताले निभाइँदै ।
![](https://arthasarokar.com/wp-content/uploads/2021/05/1-10.jpg)
तनहुँको देवघाटधाममा फलफूल खाँदै बाँदर । कोरोना कहर र निषेधाज्ञाका कारण बाँदर भोकै भएपछि ब्लड डोनर्स सोसाइटीले बाँदरलाई फलफूल खुवाएको हो ।
![](https://arthasarokar.com/wp-content/uploads/2021/05/2-2.jpg)
तिनजुरे मिल्के जलजल क्षेत्रमा ढकमक्क फुलेको लालीगुराँसको फूल क्यामारामा कैद गर्दै सञ्चारकर्मी । गुराँसको राजधानी भनेर चिनिने सो क्षेत्रमा विश्वमा पाइने ३२ प्रजातिका गुराँसमध्ये २९ प्रजातिका गुराँस पाइन्छ
![](https://arthasarokar.com/wp-content/uploads/2021/05/3-1.jpg)
कोरोना भाइरसको सङ्क्रमण रोकथाम तथा नियन्त्रणका लागि सरकारले लागू गरेको निषेधाज्ञाको समयमा आइतबार काठमाडौँको जडीबुुटी सडकमा गुडाएपछि कारवाहीमा परेका मोटरसाइल ।
![](https://arthasarokar.com/wp-content/uploads/2021/05/6-1.jpg)
कोरोना सङ्क्रमणको महामारीबीच पनि भक्तपुुरको लोकन्थली मनोहरा किनारमा फोहर सफाइमा खटिएका कर्मचारी ।
![](https://arthasarokar.com/wp-content/uploads/2021/05/7-1.jpg)