NABIL AD

देश बोल्ने फोटो कथा : दाङमा बोटमै गोलभेडा कुहिन थालेपछि किसान चिन्तित, संक्रमितको हेलिकप्टरबाट उद्दार गरिँदै

GARIMA BANK
  • अर्थ सरोकार सम्बाददाता
काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ ।
समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले दाङमा बोटमै गोलभेडा कुहिन थालेपछि चिन्तित भएका किसानदेखि संक्रमितको हेलिकप्टरबाट उद्दार गरिँदैसम्मका दृश्यलाई फोटोमा समेटेका छौं ।
हेरौं फोटो समाचारः
दाङको तुलसीपुर उपमहानगरपालिका– १३ मा करीब ३० बिघा क्षेत्रफलमा किसानहरुले लगाएका गोलभेडा बिक्री नभएपछि बोटमै कुहिन थाले । निषेधाज्ञाले गर्दा बजार लैजान नसकिएपछि गोलभेडा बोटमै कुहिने अवस्थामा रहेको हो ।
जिल्ला अस्पताल मनाङमा तीन दिनदेखि उपचार गराइरहेको कोरोना सङ्क्रमित दम्पतीलाई थप उपचारका लागि अल्टिच्युड हेलिकप्टरद्वारा थप उपचारका लागि  बुधबार बिहान गण्डकी अस्पताल पोखरा लगिँदै । जिल्लाभर एक विदेशीसहित ४२ सङ्क्रमित  छन् । 
डोल्पोबुद्ध गाउँपालिकाको धो डोल्पामा खाद्य व्यवस्था तथा व्यापार कम्पनी कर्णालीको चामल खच्चडबाट ढुवानी गरी दुनैतर्फ ल्याइँदै ।
चन्द्रागिरि नगरपालिका–१३ मा निर्माण हुुने मदन भण्डारी स्मृति उद्यान स्थल । पृष्ठभूूमिमा देखिएको काठमाडौँ उपत्यका । 
कोभिड–१९ को सङ्क्रमण बढेपछि सरकारले जारी गरेको निषेधाज्ञाको बुधबार पुतलीसडकमा उल्लङ्घन गरी बिनापास चलाइएको सवारी साधनलाई नियन्त्रणमा लिँदै ट्राफिक प्रहरी ।
विश्व सम्पदाको सूचीमा सूचीकृत पर्यटकीयस्थल स्वयम्भूको विश्वशान्ति पोखरीको धारा पानी पिउँदै बाँदर । कोरोना भाइरसको सङ्क्रमण बढेपछि सरकारले जारी गरेको निषेधाज्ञाका कारण आन्तरिक तथा बाह्य पर्यटकको आवतजावत थप्प भएको छ ।
जिल्ला ट्राफिक कार्यालय तनहुँले बुधबार निषेधाज्ञाको अवज्ञा गर्दै चलाइएका मोटरसाइकल नियन्त्रणमा लिएको दृश्य । कोरोना महामारीको जोखिम दृष्टिगत गर्दै जिल्ला प्रशासन कार्यालयले जारी गरेको निषेधाज्ञाको अवज्ञा गर्दै अनावश्यक रुपमा चलाइएका ३६  मोटरसाइकल र एक जीपलाई नियन्त्रणमा लिइएको प्रहरीले जनाएको छ । 
 बनेपाका युवा गुर्जो सङ्कलन गरी वितरणका लागि लैजाँदै ।  गुर्जो अभियानकर्मी मुक्ति विष्टको टोलीले हाल कोरोनाको दोस्रो लहरमा पनि कोरोना सङ्क्रमित, आइसोलेशन, स्वास्थ्य संस्था तथा स्वास्थ्यकर्मी, स्थानीय तह तथा जनप्रतिनिधि, सुरक्षाकर्मी, कर्मचारीलगायतलाई निःशुल्क बहूपयोगी रोग प्ररोधात्मक क्षमता वृद्धि गराउने जडिबुटी गुर्जो वितरण गरिरहेको छ ।
Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal