• अर्थ सरोकार सम्बाददाता

काठमाडौं । प्रभु इन्स्योरेन्स कम्पनी लिमिटेडको वार्षिक साधारणसभा सम्पन्न भएको छ । कम्पनीको जेठ ६ गते बिहीबार २५औं वार्षिक साधारणसभा सम्पन्न भएको हो । कम्पनीले भर्चुअल माध्यमबाट साधारणसभा सम्पन्न गरेको हो । सभामा सेयरधनीहरुले जुममार्फत आफ्नन-आफ्ना विचार प्रस्तुत गरेका थिए ।

साधारणसभाले चुक्ता पूँजीको १० प्रतिशत बोनस सेयर वितरण गर्ने प्रस्ताव पारित गरेको छ । त्यस्तै बोनस सेयरको कर प्रयोजनका लागि ०.५३ प्रतिशत नगद लाभांस पनि पारित गरेको छ । सभाले वर्तमान लेखापरीक्षक मदन निरौला एण्ड कम्पनीलाई पुनः नियुक्त गर्ने प्रस्ताव पारित गरेको छ । यस्तै कम्पनीले प्रबन्धपत्रको दफा घ मा कम्पनीको उद्देश्य अन्तर्गत सामुहीक लगानी कोष योजना संचालन गर्ने गराउने विषय पनि थप गरेको छ । सभाले सञ्चालक समितिको बैठक भत्ता बृद्धि गर्ने प्रस्ताव पनि पारित गरेको छ ।