• अर्थ सरोकार सम्बाददाता 

काठमाडौं । चालु आर्थिक वर्षको तेस्रो त्रैमासमा प्रभु इन्स्योरेन्सको खुद नाफा ४.९५% ले बढेको छ । कम्पनीको नाफा ४.९५% ले बढेर १५ करोड ९८ लाख ३५ हजार रुपैयाँ खुद नाफा कमाएको हो  । कम्पनीले गत वर्षको सोहि अवधिमा १५ करोड २२ लाख ९३ हजार रुपैयाँ खुद नाफा कमाएको थियो ।

यस्तै कम्पनीको बिमा कोषको आकार पनि बढेको छ । उक्त कोषको आकार २०.७५% ले बढेर ७८ करोड ८९ लाख ७६ हजार रुपैयाँ पुगेको छ । खुद बिमा शुल्क ६.३३% ले बढेर ४६ करोड १४ लाख ९६ हजार रुपैयाँ पुगेको छ । कम्पनीको प्रतिसेयर आम्दानी १५ रुपैयाँ र प्रतिसेयर नेटवर्थ २१३ रुपैयाँ छ ।