• अर्थ सरोकार सम्बाददाता 

काठमाडौं ।  चालु आर्थिक वर्षको तेस्रो त्रैमासमा प्रिमियर इन्स्योरेन्सले २८ करोड ९६ लाख २० हजार रुपैयाँ खुद नाफा कमाएको छ । कम्पनीको यो नाफा गत वर्षको तुलनामा भन्दा ५२.०६% ले धेरै हो । गत वर्षको सोहि अवधिमा कम्पनीले १९ करोड ४ लाख ५४ हजार रुपैयाँ नाफा कमाएको थियो ।

यस्तै एक वर्षको अवधिमा कम्पनीको खुद बिमा शुल्क ११.४१% ले बढेर ५९ करोड ८२ हजार रुपैयाँ पुगेको छ भने बिमा कोषको आकार पनि ३७.१९% ले बढेर ८१ करोड ५ लाख ४ हजार रुपैयाँ पुगेको छ । 

सार्वजनिक वित्तीय विवरण अनुसार कम्पनीको प्रतिसेयर आम्दानी वार्षिक ३५ रुपैयाँ ९४ पैसा पुगेको छ भने प्रतिसेयर नेटवर्थ २१० रुपैयाँ २२ पैसा छ । यसअवधिमा कम्पनीले कुल १ अर्ब २ करोड ९९ लाख ७७ हजार रुपैयाँ दाबी भुक्तानी गरेको छ । भने भुक्तानी हुन बाँकी दाबी रकम २ अर्ब १८ रोड ४३ लाख ६ हजार रुपैयाँ रहेको छ ।