काठमाडौं । चालु आर्थिक वर्षको तेस्रो त्रैमासमा प्राइम लाइफ इन्स्योरेन्सले २२ करोड ८६ लाख २५ हजार रुपैयाँ खुद नाफा कमाएको छ । कम्पनीको यो नाफा गत वर्षको सोहि अवधिको तुलनामा २४.८६% ले बढी हो । गत वर्षको सोहि अवधिमा कम्पनीले १८ करोड ३० लाख ९२ हजार रुपैयाँ खुद नाफा कमाएको थियो । 

सार्वजनिक वित्तीय विवरण अनुसार कम्पनीको खुद बिमा शुल्क ३७.४९% ले बढेर ३ अर्ब ७ करोड ६६ लाख ८ हजार रुपैयाँ पुगेको छ भने जीवन बिमा कोषको आकार पनि ३१.३५% ले बढेर १४ अर्ब ३६ लाख १९ हजार रुपैयाँ पुगेको छ । कम्पनीको जगेडा कोषमा ६२ करोड ५२ लाख ९९ हजार रुपैयाँ छ भने प्रतिसेयर आम्दानी १२ रुपैयाँ ६१ पैसा र प्रतिसेयर नेटवर्थ १३१ रुपैयाँ ९८ पैसा छ ।