• अर्थ सरोकार सम्बाददाता 

रामेछाप । राष्ट्रिय वाणिज्य बैंकका एक कर्मचारीको निधन भएको छ । कोरोना संक्रमणबाट मन्थली शाखाका प्रबन्धक रविन्द्र मण्डलको शनिबार बिहान निधन भएको हो । रामेछापमा कोरोना सङ्क्रमण भई आफ्नै जिल्ला धनुषाको जनकपुरस्थित जानकी हेल्थ कियरमा उपचारका क्रममा मण्डलको निधन भएको शाखाका बरिष्ठ सहायक सुदर्शन पौडेलले जानकारी दिए ।

धनुषा जिल्ला विधेह नगरपालिका वडा नं ५ मुडिया घर भएका प्रबन्धक मण्डल बिगत ४ बर्षदेखी राष्ट्रिय वाणिज्य बैंक मन्थली शाखामा कार्यरत रहेका थिए । मण्डललाई वैशाख २५ गते एन्टिजेन्ट परीक्षण गर्दा कोरोना सङ्क्रमण पुष्टी भएको थियो ।