उक्त आगलागीमा घर निर्माण गर्न रकम जम्मा पारेका बन्हुको घरमा राखिएको करीब नगद ६ लाखसमेत जलेर खरानी भएको उहाँले बताउनुभयो । सो आगोमा १२५ सिसीको डिसकभर मोटरसाइकलसमेत जलेको र आफ्नो घरको सम्पूर्ण सामग्री जलेर खरानी भएको शोभाकान्तको भनाइ छ ।

अग्निपीडितका अनुसार आगलागीमा घरभित्र रहेको सुनचाँदीसमेत जलेको छ । सो आगलागीमा खाद्यान्न, लत्ताकपडा, भाँडावर्तन, नगद र घरभित्र रहेको काठ, जस्तापाता, फर्निचरका सामान तथा फ्रिज जलेर खरानी हुँदा करीब २५ लाख मूल्य बराबरको क्षति भएको इलाका प्रहरी कार्यालय बोदेबरसाइनले जनाएको छ । आगोलाई स्थानीयवासी तथा प्रहरी र डाक्नेश्वरी नगरपालिकाका वारुणयन्त्रले अहिले केही छिन अगाडि नियन्त्रणमा लिएको जिल्ला प्रहरी कार्यालयले जनाएको छ । -रासस