• अर्थ सरोकार सम्बाददाता 

काठमाडौं । रसुवागढी हाइड्रोपावरले चालु आर्थिक वर्षको तेस्रो त्रैमासमा नोक्सानीमा रहेको वित्तीय विवरण सार्वजनिक गरेको छ । कम्पनीले २ करोड ४६ लाख रुपैयाँ नोक्सानीमा रहेको वित्तीय विवरण सार्वजनिक गरेको हो । गत वर्ष पनि कम्पनी ६ करोड ६० लाख रुपैयाँ नोक्सानमा रहेको थियो ।

गत वर्ष ३ करोड २३ लाख रुपैयाँ सञ्चालन घाटामा रहेको रसुवागढी यो त्रैमासमा २ करोड ७ लाख ६१ हजार रुपैयाँ घाटामा छ । यस्तै कम्पनीको जगेडा कोष २२ करोड ६४ लाख रुपैयाँ ऋणात्मक रहेको छ । कम्पनीको प्रतिसेयर आम्दानी ५३ पैसा नोक्सनामा रहेको छ । यसको प्रतिसेयर नेटवर्थ ९६ रुपैयाँ ३२ रुपैयाँ छ ।

हाल यस कम्पनी अन्तर्गत रसुवा जिल्लाको गोसाइकुण्ड गाउँपालिकामा १११ मेगावाट क्षमता भएको रसुवागढी जलविद्युत आयोजनाको ८०% निर्माण कार्य सम्पन्न भइसकेको छ ।