- अर्थ सरोकार सम्बाददाता
काठमाडौँ । राष्ट्रिय वाणिज्य बैंकले २ अर्ब ५० करोड रुपैयाँ बराबरको ऋणपत्र जारी गर्ने भएको छ । नेपाल धितोपत्र बोर्डले बैंकलाई २ अर्ब ५० करोड रुपैयाँ बराबरको ऋणपत्र जारी गर्न अनुमति दिएको हो। बोर्डले गत वैशाख २२ गते बैंकलाई ‘८.५५ आरबीबीएल डिबेन्चेर–२०८३’ नामक ऋणपत्र जारी गर्ने अनुमति दिएको हो।
जससंगै अब बैंकले १ हजार रुपैयाँ अंकित दरका कुल २५ लाख इकाइ भएको ऋणपत्र निष्कासन गर्नेछ । कुल इकाइमध्ये १५ लाख इकाइ व्यक्तिगत तवरबाट र बाँकी १० लाख इकाइ सर्वसाधारणलाई बिक्री गरिनेछ । यो ऋणपत्र ६ वर्ष अवधिको हुनेछ । लगानीकर्ताहरुले वार्षिक ८.५ प्रतिशत ब्याज पाउनेछन् । ऋणपत्र बिक्री प्रबन्धकमा एनआईबिएल एस क्यापिटड रहेको छ।
