• अर्थ सरोकार सम्बाददाता

काठमाडौं । साताको कारोबारको दोस्रो दिन सोमबार सेयर बजारमा परिसूचकसंगै कारोबार रकम पनि घटेको छ । नेप्से परिसूचक ४५.२५ अंकले घटेर २७८२.५८ बिन्दुमा पुगेको छ । यस अवधिमा २१८ कम्पनीको २ करोड ९२ लाख ४८ हजार ५३१ कित्ता सेयर खरिद बिक्री हुँदा १३ अर्ब २७ करोडमाथिको कारोबार भएको छ  ।

आज सबैभन्दा धेरै राधि हाईड्रोपावरको सेयर कारोबार भएको छ । कम्पनीको ९१ करोडमाथिको सेयर कारोबार भएको हो । त्यसपछि अलुम्बिनी विकस बैंक, हाइड्रोइलेक्ट्रीसीटि इन्भेष्टमेन्ट, नेपाल पुनर्बिमा, ज्योति बिकास बैंक, नेशनल हाइड्रोपावर, अरुण काबेली, अपि पावरलगायतको काराबार भएको छ।