• अर्थ सरोकार सम्बाददाता 

काठमाडौँ । चालु आर्थिक वर्षको तेस्रो त्रैमासमा सूर्या लाइफ इन्स्योरेन्सले २९ करोड १० लाख ३५ हजार रुपैयाँ खुद नाफा कमाएको छ । कम्पनीको यो नाफा गत वर्षको तुलनामा ५५.८८% ले बढी हो । गत वर्ष कम्पनीले १८ करोड ६७ लाख ८ हजार रुपैयाँ नाफा कमाएको थियो ।

सार्वजनिक वित्तीय विवरण अनुसार कम्पनीको प्रतिसेयर आम्दानी वार्षिक १७ रुपैयाँ १५ पैसा रहेको छ भने प्रतिसेयर नेटवर्थ १३० रुपैयाँ ९७ पैसा छ ।  यस्तै रिजर्भ कोष ३४.७१% र जीवन बिमा कोषमा पनि ५०.८०% ले सुधार भएको छ । यता खुद बिमा शुल्क पनि ८२.५४% ले बढेर ३ अर्ब २३ करोड १३ लाख ९२ हजार रुपैयाँ पुगेको छ ।