• अर्थ सरोकार सम्बाददाता 

काठमाडौं । इक्रा नेपालले युनियन लाइफ इन्स्योरेन्सको आइपीओलाई आइआर बीबीबी रेटिङ दिएको छ । यसले आधारभूत अवस्था मध्यम रहेको संकेत गर्दछ । कम्पनीले ६४ करोड ५० लाख रुपैयाँ बराबरको ६४ लाख ५० हजार कित्ता आइपीओ निष्कासन गर्ने तयारी गरेको छ । 

आइपीओ निष्कासन गर्ने तयारी गरे पनि कम्पनीले अहिलेसम्म धितोपत्र बोर्डमा भने आवेदन दिइसकेको छैन । धितोपत्र बोर्डमा आवेदन दिएपछि मात्र आइपीओ निष्कासन प्रकृया अघि बढ्नेछ । हाल कम्पनीको चुक्ता पुँजी १ अर्ब ५० करोड ५० लाख रुपैयाँ रहेको छ ।