">
- अर्थ सरोकार सम्बाददाता
काठमाडौँ । असार १७ गतेदेखि आन्तरिक हवाई उडान खुल्ने भएको छ । संक्रमित संख्या घट्दै गएकोले उडान खोल्न लागिएको छ।
विमानस्थलका अनुसार बुद्ध एयरलाई दिनमा ३१ उडान गर्न दिइने भएको छ भने यति एयरलाइन्सलाई १५, श्री एयरलाइन्सलाई ७, सौर्यलाई ३ र एसटिओएलतर्फ उडान गर्नेलाई तीन/तीन उडान स्वीकृति दिइएको छ।
भिडभाड नहुने गरी वायु सेवा कम्पनीले १० मिनेटको अन्तरालमा जहाज उडान गर्नुपर्नेछ । नियमित उडानको आधा संख्यामा एयरलाइन्सले जहाज उडाउन पाउनेछन् ।
विमानस्थल सुविधादेय समितिको आइतबार बसेको बैठकले स्वास्थ्य मापदण्ड कडाइ साथ लागु गर्न कार्यान्वयन समिति र सुपरीवेक्षण समिति पनि बनाएको छ ।
