• अर्थ सरोकार सम्बाददाता 

काठमाडौँ । असार सात गतेपछि बैंकका सम्पूर्ण शाखा कार्यालय खुल्ने भएका छन् । कोरोनाको संक्रमण कम भएपछि निषेधाज्ञा खुकुलो हुँदै गएपछि फुलफ्लेज्डमा बैंकका शाखा कार्यालय खुल्ने भएका हुन् । बैंकर्स संघमा बिहीबार भएको कार्यसमितिको बैठकमा सबै कारोबार खुला गर्ने सहमति भएको हो ।

अहिले बैंकहरुले आलोपालो सेवा दिईरहेका छन् । बैंकका शाखा पनि २ बजेसम्म मात्र खुलिरहेका छन् । ५० हजारभन्दा कम रकम पनि जम्मा गरिने भएको छ । यसअघि बैंकमा भीडभाड बढेको भन्दै राष्ट्र बैंकको सहमतिमा ५० हजारभन्दा कमको निक्षेप नलिने बैंकर्स संघले निर्णय गरेको थियो ।

बैंकका सम्पूर्ण शाखा खुल्दा आम सेवाग्राहीलाई पनि सहज हुने भएको छ । र बैंकमा भिडभाड पनि कम हुनेछ । यसअघि पालोपालो शाखा खुल्दा सेवाग्राहीहरुलाई असजिलो परिस्थिति बनेको थियो । यता अब मालपोत कार्यालय खुलेमा ऋणको काम पनि हुनेछ ।