• अर्थ सरोकार सम्बाददाता 

काठमाडौं । बीमा कम्पनीहरुले अब केन्द्रिय कार्यालय मात्रै खोल्न पाउने भएका छन् । बुधबार काठमाडौं, भक्तपुर र ललितपुरका प्रमुख जिल्ला अधिकारीको बैठकले यस्तो निर्णय  गरेको हो । सो बैठकले जेठ ३१ गतेसम्म निषेधाज्ञा थप गर्ने निर्णय पनि गरेको छ । यस्तै बैंकहरुको हकमा भने काठमाडौँ उपत्यकामा वाणिज्य बैंकले केन्द्रिय कार्यालयसहित चार वटा शाखा कार्यालयबाट सेवा दिन पाउने छन्  ।

विकास बैंकको हकमा केन्द्रिय कार्यालय र २ वटा शाखा कार्यालय, वित्त कम्पनीको हकमा केन्द्रिय कार्यालय र १ वटा शाखा कार्यालय, बीमा समिति तथा बीमा कम्पनीको हकमा कर्पोरेट कार्यालय  र धितोपत्र बोर्ड मात्र खुल्ने गरि आलोपालो गरी न्यूनतम जनशक्ति (२० प्रतिशत मात्र) प्रयोग गरी कार्य संचालन गर्ने व्यवस्था मिलाइ सोको विवरण नेपाल राष्ट्र बैंक र जिल्ला प्रशासन कार्यालयलाई दिनु पर्नेछ । यसको अनुगमन जिल्ला प्रशासन कार्यालयबाट हुनेछ ।