• अर्थ सरोकार सम्बाददाता 

काठमाडौँ । बैकिङ कसुर मुद्दाका फरार रहेका एक जना पक्राउ परेका छन् । प्रहरीले नेपालगञ्ज उपमहानगरपालिका–१८ कारकादो बस्ने कैलाली टिकापुर घर भएका ३५ वर्षीय महेन्द्र लोहारलाई आइतबार पक्राउ गरेको हो । 

जिल्ला अदालत बाँकेको २०७६ पुस २३ गतेको फैसलाले बैकिङ कसुर मुद्दामा ८ दिन कैद र ११ लाख २५ हजार रुपैयाँ जरिवाना ठहर भई फरार रहेका उनलाई जिल्ला प्रहरी कार्यालय बाँकेबाट खटिएको प्रहरीले पक्राउ गरेको हो ।उनी उपर आवश्यक कारवाहीका भइरहेको जिल्ला प्रहरी कार्यालय बाँकेले जनाएको छ ।