- अर्थ सरोकार सम्बाददाता
काठमाडौँ । पछिल्लो समयमा निक्षेप संकलन बढ्न थालेको छ । गत एक सातामा वाणिज्य बैंकहरुको निक्षेप संकलन कर्जा लगानीभन्दा बढेको छ । गत साता २७ वाणिज्य बैंकहरुको निक्षेप संकलन १२ अर्ब रुपैयाँले बढ्दा कर्जा लगानी भने ८ अर्ब रुपैयाँले बढेको छ ।
अघिल्लो साता निक्षेप संकलन ५ अर्ब रुपैयाँले घटेको थियो भने कर्जा लगानी ९ अर्ब रुपैयाँले बढेको थियो । जेठ २१ गतेसम्ममा वाणिज्य बैंकहरुको कुल निक्षेप संकलन ३९ खर्ब ६९ अर्ब रुपैयाँ पुगेको छ भने कुल कर्जा लगानी ३६ खर्ब ३४ अर्ब रुपैयाँ पुगेको छ ।
जेठ २१ गतेसम्मको कर्जा विस्तार तथा निक्षेप संकलनका आधारमा वाणिज्य बैंकहरुको सिसिडी रेसियो ७९.०३ प्रतिशत रहेको छ । जेठ दोस्रो साताको अवधिमा भने ७८.९० प्रतिशत थियो ।झन्डै डेढ महिनादेखि अधिकाशं स्थानमा निषेधाज्ञा जारी रहेको छ । यस अवधिमा बैंकहरुले आलोपालो सेवा दिइरहेका छन् ।
