- अर्थ सरोकार सम्बाददाता
काठमाडौं । नेपाल धितोपत्र बोर्डका अध्यक्ष भिष्मराज ढुंगानाले नेपालमा नयाँ स्टक एक्सचेन्जको आवश्यकता रहेको बताएका छन् । बोर्डको २९औं वार्षिकोत्सवको अवसरमा आयोजित कार्यक्रमममा बोर्डका अध्यक्ष ढुङ्गानाले यस्तो बताएका हुन् ।
अध्यक्ष ढुङ्गानाले बजारको विश्वसनीयता अभिवृद्धि तथा जोखिम व्यवस्थापन गर्न नयाँ स्टक एक्सचेन्ज आवश्यक रहेको बताएका हुन् । अहिले सेयर विगतको भन्दा निकै लयमा आइसकेको छ । सेयर बजारले दिनानुदिन रेकर्ड कायम गरेको अवस्थाकाबीच स्टक एक्सचेन्जलाई प्रतिस्पर्धी बनाउन आवश्यक देखिएको उनको भनाई छ । कारोबारको राफसाफ तथा फस्र्यौट सेवा प्रदायक सीडीएससीको संरचनात्मक सुधार गरी क्षमता अभिवृद्धि गर्दै राफसाफ कोषसमेत शीघ्र सञ्चालनमा ल्याउने पनि उनको बताए ।
बोर्डले आगामी दिनमा कारोबार व्यवस्थापन प्रणाली प्रभावकारी बनाउने, ऋणपत्र बजारलाई गतिशील बनाउने तथा नयाँ धितोपत्र दलाल व्यवसायीलाई बजार प्रवेश गराउने प्रतिवद्धता जनाएको छ ।
