• अर्थ सरोकार सम्बाददाता 

काठमाडौं । आइएमई लाइफ इन्स्योरेन्सको तेस्रो वार्षिक साधारणसभा भोलि सोमबार बस्दैछ । सभामा कम्पनीको रजिष्टर्ड कार्यालय लैनचौरमा बिहान १० बजे भर्चुअल माध्यमबाट हुने भएको हो । सभामा आइपीओ जारी गर्ने विशेष प्रस्ताव पेस गरिँदैछ ।  

यस्तै आर्थिक वर्ष २०७५/७६ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डासमेत सभामा रहेको छ । आर्थिक वर्ष २०७६–७७ को लागि लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि पेश हुँदैछ । 

यस कम्पनीले प्रतिकित्ता १०० रुपैयाँ दरमा ६० करोड रुपैयाँ बराबरको ६० लाख कित्ता आइपीओ जारी गर्ने तयारी गरेको छ ।