• अर्थ सरोकार सम्बाददाता 

काठमाडौँ । नेप्सेले कारोबार रोक्का गरेपछि खानीखोला हाइड्रोपावर कम्पनीले चालु आर्थिक वर्षको तेस्रो त्रैमाससम्म को वित्तीय विवरण सार्वजनिक गरेको छ । यस अवधिसम्म कम्पनी नाजुक अवस्थामा पुगेको छ । कम्पनीले चैत मसान्तसम्म कम्पनी ९ करोड ९० लाख घाटामा रहेको विवरण सर्वाजनिक गरेको हो । गत आवको चैतमा कम्पनीमा कम्पनी १० करोड १२ लाख घाटामा थियो ।

यस्तै कम्पनीको चुक्ता पूँजी भने ४६ करोड ५७ लाख १४ हजार ३०० रुपैयाँ छ । गत वर्षको तुलनामा रिजर्भ कोष झनै ऋणात्मक बनेर ६६ करोड २० लाखमा सिमित भएको छ । यस्तै प्रतिसेयर आम्दानी २१ रुपैयाँ २७ पैसा नोक्सानमा छ । कम्पनीको ८६ करोड ४५ लाख द्धिर्घकालिन ऋण छ । २०७३ साउनमा ९ लाख ३१ हजार ४२९ कित्ता आइपीको जारी गरेको यस कम्पनीले हालसम्म लाभांश बाड्न सकेको छैन्।