">
- अर्थ सरोकार सम्बाददाता
काठमाडौं । नेपाल धितोपत्र बोर्डले कृषि विकास बैंकलाई बन्ड बिक्री गर्न अनुमति दिएको छ । बोर्डले बैंकलाई प्रतिइकाई १ हजार रुपैयाँ दरको १ करोड २० लाख इकाई बन्ड जारी गर्न अनुमति दिएको हो ।
बैंकले सम्पूर्ण इकाई आफ्नै पहलमा अन्य संघसंस्थालाई बिक्री गर्नेछ । सर्वसाधारणले उक्त बन्ड आवेदन दिन पाउने छैनन् । बैंकले ‘४% एग्रिकल्चरल बन्ड ८–९ वर्ष) बिक्री गर्न लागेको हो ।
यसमा वार्षिक ४% ब्याजदर निर्धारण गरिएको छ । कृषि विकास बैंकको बन्डमा एनआइबीएल एस क्यापिटलले बिक्री प्रबन्धकको काम गर्नेछ ।
